சுரைக்காய் குழம்பு

சுரைக்காயில் நீர்ச்சத்து அதிகம் நிறைந்துள்ளது. அத்தகைய சுரைக்காயை வாரம் ஒரு முறை உணவில் சேர்த்து வந்தால், உடலை ஆரோக்கியமாக வைத்துக் கொள்ளலாம். அதிலும் சுரைக்காயை மசாலா போன்று செய்து, சாதத்துடன் சாப்பிட்டால், நன்றாக இருக்கும்.

தேவையான பொருட்கள் :

சுரைக்காய் – 1

வெங்காயம் – 2

தக்காளி – 4 அல்லது 5

இஞ்சி, பூண்டு விழுது – சிறிது

கடுகு – 1 /2 டீஸ்பூன்

கடலை பருப்பு – 1 டீஸ்பூன்

கறிவேப்பிலை – சிறிது

மஞ்சள் தூள் – 1 சிட்டிகை

சாம்பார் தூள் – 3 டீஸ்பூன்

எண்ணெய்,உப்பு – தேவையான அளவு

செய்முறை :

சுரைக்காயை தோல் சீவி சிறு, சிறு துண்டுகளாக்கி கொள்ளவும்

கடாயில் எண்ணெய் ஊற்றி கடுகு, கடலை பருப்பு, வெங்காயம்,இஞ்சி பூண்டு விழுது ,கறிவேப்பிலை ,காய்ந்த மிளகாய் ,தக்காளி சேர்த்து வதக்கவும்

தக்காளி நன்கு வதங்கியவுடன் மஞ்சள் தூள் , சாம்பார் தூள் சேர்த்து வதக்கி நறுக்கி வைத்துள்ள சுரைக்காயை சேர்க்கவும்.

தேவையான அளவு உப்பு , தண்ணீர் சேர்த்து சுரைக்காயை வேக விடவும்

சுரைக்காய் நன்கு வெந்தவுடன் இறக்கி, மத்து வைத்து காயை நன்கு கடைந்து, மல்லி தழை தூவி பரிமாறவும் .