சிக்கன் ஷாவர்மா ரோல்

தேவையான பொருட்கள் : எலும்பில்லாத சிக்கன் துண்டுகள் - 10 மைதா - 1 கப் வெங்காயம் - 1 நறுக்கிய முட்டைகோஸ் - கால் கப் மயோனீஸ் (முட்டை பாலேடு) - 1 கப் மிளகாய்த்தூள் - 1 டீஸ்பூன் எலுமிச்சைசாறு - 1 டீ ஸ்பூன் சர்க்கரை - கால் டீஸ்பூன் சீரகத்தூள் - அரை டீஸ்பூன் கரம் மசாலா - அரை டீஸ்பூன் இஞ்சி பூண்டு விழுது - 1 டீஸ்பூன் தயிர் - 2 டீஸ்பூன் எண்ணெய், உப்பு - தேவைக்கு செய்முறை: சிக்கனை நன்றாக கழுவி சுத்தம் செய்து கொள்ளவும். வெங்காய்த்தை பொடியாக நறுக்கி கொள்ளவும். ஒரு அகன்ற பாத்திரத்தில் மைதா, சர்க்கரை, தயிர், உப்பு ஆகியவற்றை கொட்டி அதனுடன் சிறிதளவு தண்ணீர், எண்ணெய் சேர்த்து சப்பாத்தி மாவு பதத்துக்கு தயார் செய்து ஒரு மணி நேரம் ஊறவைத்துக்கொள்ளவும். மற்றொரு பாத்திரத்தில் சிக்கன் துண்டுகள், கரம் மசாலா தூள், சீரகத்தூள், மிளகாய் தூள், இஞ்சி பூண்டு விழுது, எலுமிச்சை சாறு ஆகியவற்றை சேர்த்து கிளறி ஒரு மணி நேரம் ஊறவைத்துக்கொள்ளவும். ஊற வைத்த சாப்பத்தி மாவை சப்பாத்திகளாக சுட்டு எடுக்கவும். ஒரு வாணலியை அடுப்பில் வைத்து எண்ணெய் ஊற்றி அது சூடானதும் சிக்கன் துண்டு கலவையை கொட்டி சிக்கன் நன்றாக வேகும் வரை புரட்டி எடுத்துக்கொள்ளவும். நன்கு வெந்ததும் கீழே இறக்கி சிறிய துண்டுகளாக பிய்த்துக்கொள்ளவும். சுட்டெடுத்த ரொட்டி மீது மயோனீஸ் தடவி நடுவில் சிக்கன் துண்டு கலவையை வைக்கவும். பின்னர் அதன் மேல் வெங்காயம், முட்டைக்கோஸ் தூவி ரோலாக சுருட்டி ருசிக்கவும்.