சுவை மிகுந்த வெண்பொங்கல் செய்வது எப்படி ?

சுவை மிகுந்த வெண்பொங்கல் செய்வது எப்படி…? நெய் மணக்கும் மென்மையான சூப்பரான இந்த பொங்கலை செஞ்சு அசத்துங்க நெய்யில் வறுக்கும் முந்திரியுடன் ருசிமிகுந்த பொங்கலை சாப்பிட்டு பாருங்க. இதற்கு தொட்டுக்கொள்வதற்கு சாம்பாரும் தேங்காய் சட்னியும் அருமையாய் இருக்கும். நன்றாக சாப்பிட்டு நலமாக வாழுங்கள் !

தேவையான பொருட்கள்:

பச்சரிசி - 1 கப்

பாசிப்பருப்பு - 1 கப்

தண்ணீர் - 6 கப்

நறுக்கிய இஞ்சி - 1 இன்ச்

மிளகு - 1 1/2 டீஸ்பூன்

சீரகம் - 1 1/2 டீஸ்பூன்

கறிவேப்பிலை - சிறிது

எண்ணெய் - 1/4 கப்

நெய் - 6 டேபிள் ஸ்பூன்

உப்பு - தேவையான அளவு

முந்திரி – ¼ கப்

நறுக்கிய கொத்தமல்லி- சிறிது

செய்முறை:

முதலில் ஒரு வாணலியை அடுப்பில் வைத்து, அதில் பச்சரிசி மற்றும் பாசிப்பருப்பை தனித்தனியாக பொன்னிறமாக வறுத்து தனியாக வைத்துக் கொள்ள வேண்டும்.

பின்னர் அதனை நன்கு கழுவி, குக்கரில் ஒன்றாக சேர்த்து 6 கப் தண்ணீர் ஊற்றி, தேவையான அளவு உப்பு மற்றும் 1 டீஸ்பூன் நெய் சேர்த்து, 3-4 விசில் விட்டு இறக்கி, லேசாக மசித்து தனியாக வைத்துக் கொள்ள வேண்டும்.


அடுத்து முந்திரியை சிறிது நெய் ஊற்றி வறுத்து தனியாக வைத்துக் கொள்ள வேண்டும்.

பிறகு ஒரு வாணலியை அடுப்பில் வைத்து, அதில் நெய் மற்றும் எண்ணெய் ஊற்றி காய்ந்ததும், சீரகம், மிளகு சேர்த்த தாளித்து, பின் அதில் இஞ்சி, கறிவேப்பிலை சேர்த்து சிறிது நேரம் வதக்க வேண்டும்.


பின்பு அத்துடன் மசித்து வைத்துள்ள சாதத்தை சேர்த்து நன்கு கிளறி விட்டு, பின் அதில் முந்திரியை சேர்த்து நன்கு கிளறி இறக்கினால், வெண் பொங்கல் ரெடி!!!


இதனை சாம்பார் மற்றும் தேங்காய் சட்னியுடன் சாப்பிட்டால் அருமையாக இருக்கும்.